قصيدة للشاعر قاسي حمادي الزبالي
يَاعشر ذي الحجة و يايوم الاثنين
فيك القدر لاَشك مَاهو بعادي
* يَاعشر ذي الحجة فقدنا عزيزين
هذا قدر لكن قطع فؤادي
* تسعة فقدناهم عَلى شوفة العين
ﻣع خط حطة نذل في وسط وادي
...* آخذ الفلوس وقال آسويه بعدين
عساه سيَل (ن) يهجده بَالهجادي
* و يذوق مَا ذقنا ﻣﻥ̴ الحزن حَزنين
وَ لعل وجهه دائمَ (ن) لا السوادي
* وَ يالله ترحمهم معي قولو آمين
وَ يطول عمر آبن طَفيل البلادي
* اللي فزع فزعةَ ظَفور وَ شجيعين
قَال آبشرو أبنفسي وهذا ﻋتَادي
* يوم (ن) بعض الناس راحوا مقفين
زهم عواضة حي ذيك الأيادي
* قال آبشر آﻧا معك فالعسر واللين
والظفر ﻣﻥ̴ طبعه بَروحه يفادي
* آبن حميد فخرنا آيام ؤسنين
سجل لنا تاريخ مَاهو بعادي
* يَا حرب هذا موقف(ن) به فخورين
سيرة بطل وَ يقولها آبن حمادي
_________________
قصيدة للشاعر احمد رشدان الزبالي
ياالله ياللي خالق الناس من طين
انته تعرف الحال واللي جراله
اللي رحل ياعين وأنتي تشوفين
ولد فرج قدامنا السيل شاله
عمره صغير ودوب وصل الثلاثين
.وشايل بجنبه حرمته مع عياله
ورحل عويضه بعمر سبعه وعشرين
والوقت الأقشر من هو اللي صفاله
وعبدالعزيز أقل من العشرين عامين
ووالدته وعمته من قباله
ياسيل يا اللي أخذت منا المحبين
ياجعل سيلك مايعود له مسأله
وياعيد كيف أفرح وربعي محازين
ولاتحسب دموع ربعي سهاله
وهم(ن)بوسط قلوبهم كالسكاكين
ودموعهم مثل المطر فانهماله
ياسامعين لدعوتي قولوا أمين
يا الله ترحمهم يارب الجلاله
يا الله تحشرهم بجنب النبيين
ومعهم محمد وصحبته جنب آله
_____________________
قصيدة للشاعر ولد ديرة حجر
يأديرتي عيدك هالسنة حيل حزين
أرواح راحت دون ذنب وخطية
الحمدلله على القدر والله يعين
ويصبر قلوب على فراقهم حية
إيمان ماتت ؤتركته خلفها يتيمين
يالله ترحمها بعيد الضحية
...وعبدالعزيز كبيرها راح ياعين
وعمتهم اللي عندها أيتام ميه
وسعاد وعبدالله وأطفالهم قرة العين
رغد وبزيع وحمودي ؤيش ذا العيديه
و وضحى تصيح اليوم تنعى عواضه
أبو وريف اللي فزع يم خويه
يالله ترحمهم واتصبر العين
وتصبر قلوب على فراقهم حية
ياديرتي عيدك هالسنة حيل حزين
سيولك اللي شألت أنفس بريه
________________________
قصيدة للشاعر خالد بن حسين الزبالي
الله يجازي من تسبب للأموات
ماتوا غرق في سيل وادي تمايه
عشرة عددهم من قبيله قرابات
يالله ترحمهم وتقبل دعايه
عسى لهم في جنة الخلد مرضات
وتجبر عزاء اهلهم وتجبر عزايه
أهل حجر تصرخ من الظلم صرخات
عسى يجاوب من يهمه ندايه
غلطة مهندس شال فالجيب بيزات
هذا هوالواقع وسر الحكايه
اليا متى المسؤل في صمت وسبات
كثر الصبر والجود بيح خفايه
حتى الخقايق ماتجيكم صحيحات
وسائل الاعلام عكس الروايه
ياخالد نناشدك انت بالذات
مانسامح اللي صار عنده درايه
ياسيدي حنا لنا فيك غايات
تزورنا وتضمنا بالعنايه
أنت الحكيم اللي تحل الصعيبات
اليا وصلك العلم منا كفايه
فرقابنا للملوكنا عهد بثبات
بيعة جدود وحافظين الوصايه
_____________________
قصيدة للشاعرة بنت المازنية
أبدا بذكرالله على القس والين
الواحد المعبود رب البريه
العيد هذا العام مابه طعم شين
وشلون نفرح فيه وبه ناس ضحيه
ياكيف افرح فيه وين الفرح وين
والبيار عانقت احزانها المازنيه
مابغى انا البس واكحل العين
ويحرم عليه فيه احني يديه
اعزي اهل ديرتي وبقلبي سكاكين
ضحك مع العالم وبالقلب كيه
بنت الرجال اللي على الطيب وافين
اهل الكرم والجود والنار حيه
تناشدك يابو متعب ياخادم البيتين
عجل بامر مرسوم وشوف القضيه
أرامل حجر واطفالهم للك منادين
وش ذنب من مات بلا ذنب وخطيه
ترملن نسوان واطفال يتيمين
راحو ضحايا خط وسيل وبليه
دون الوطن بارواحنا حناء للك منادين
ودون الوطن ياابوي ماتشح يديه
تكفى يابو متعب حناء للك منادين
عجل يابو متعب وحل القضيه
ويالله ترحم ناس راحو غريقين
وادعي لهم بالمغفره وارفع يديه
27/10/2012, 10:38